İranın BMT-dəki nümayəndəliyi Rusiyaya ballistik raket satışı iddiasını rədd edib

İran İslam Respublikasının BMT-dəki nümayəndəliyi cümə günü bəyan edib: “Ballistik raketlərin satışı ilə bağlı qanuni məhdudiyyətlərin olmamasına baxmayaraq, İran Rusiya-Ukrayna münaqişəsi zamanı müharibəni alovlandırmamaq üçün silah müqavilələrindən çəkinməyi mənəvi cəhətdən öz vəzifəsi hesab edir. Bu, İranın beynəlxalq qanunlara və BMT Nizamnaməsinə riayət etməsinə əsaslanır.”

Britaniyanın “Reuters” xəbər agentliyi bu həftənin əvvəlində yaydığı xəbərdə iddia etmişdi ki, İran Rusiyaya çoxlu sayda güclü “yer-yer” ballistik raketləri verib və bu məsələ ABŞ sanksiyaları altında olan iki ölkə arasında hərbi əməkdaşlığı dərinləşdirir. Halbuki, ABŞ İranın Rusiyaya ballistik raketlər ötürülməsi ilə bağlı iddianı hələlik təsdiqləməyib.